 |
| ISBN 978-90-79401-02-4 |
|
|
Na aña 2002 mi a publiká e promé edishon di ‘Raspá di Wea’. Kada ratu hende ta keda puntrami pa e buki akí. E edishon akí ta kompletamente revisá. E ta kontené tambe algun reseta nobo i lokual ku ta hasi e buki mas atraktivo ta, ku kada reseta tin un potrèt pa ilustrá. Den e buki mi a pone un kolekshon di mi mihó resetanan. Ta p’esei e titulo ‘Raspá di Wea’ ta pas nèt pa mi buki.
‘Raspá di Wea’ ta kontené 9 sekshon (192 pagina/185 reseta). Un sekshon di sòpi, kuminda di laman, karni i galiña, salada i plato pa kompañá, bolo i postre, kos dushi, pasapalo, pan, pandushi i pastelería i reseta pa fiesta, Pasku i Aña Nobo.
Nos a skirbi e buki akí di tal sistema ku skolnan VSBO i MBO tambe por us’é komo un medio durante lès di kushina antiano i arubiano.
Loke ta hasi e buki akí interesante ta e sekshon di tep, asesorio pa kushiná i splikashon di ingrediente. Na kada reseta tin un indikashon di tempu di preparashon, temperatura di fòrnu, tempu den fòrnu i kantidat di hende ku bo por sirbi. Tambe nos ta splika kon pa hòrna bolo den diferente sorto di fòrnu na Ulanda.
E buki ta optenibel den bukhandel na Kòrsou (tambe na Lynette), Aruba, Boneiru, Sint Maarten i na Ulanda.
|
Désirée ta firma buki nobo ‘Raspa di Wea’ na Korsou, Aruba i Boneiru:
Bukhandel: Fecha: Ora:
BRUNA 27-8-’09 11 – 12 or mainta
Mensing’s Caminada 27-8-’09 4 – 6 or atardi
Lynette 29-8-’09 9 – 11 or mainta
Albert Heijn 29-8-’09 3 – 5 or atardi
Nos Tienda den Hospital 31-8-’09 5.30 – 7 or atardi
Boek Plus 02-9-’09 4 – 6 or atardi
Samsom Jan Noorduinweg 03-9-'09 4 – 6 or atardi
De Wit Stores Aruba 01-9-’09 2 – 5 or atardi
Addo Bookstore Bonaire 12-9-’09 9 – 12 or mainta
Flamingo Bookstore 12-9-'09 2 - 4 or atardi
Van Dorp St. Maarten 26-9-'09 5 - 6 or atardi
|
 |
| Asina bunita e lay-out di nos buki nobo a keda. |
|
|
|
